Aktivitøren kan jobbe med ulike brukargrupper. Her er eit intervju med ein aktivitør som arbeider som aktivitetskoordinator.
Kva brukarar jobbar du med?
På arbeidsplassen min har vi desse brukarane: Sjukeheim, barnehage, utviklingshemma, bebuarar i omsorgshusvære og brukarar som har ulike former for yrkeshemming. Vi har ti aktivitørar som jobber her.
Kva arbeidsoppgåver har du i løpet av veka på arbeidsplassen din?
- Bindeleddet mellom alle dei fem einingane på huset.
- Ansvar for planlegging og gjennomføring av dei fleste felles arrangementa.
- Kontakt med frivillige.
- Omvisning på huset fordi huset vårt er veldig nytt, og spesielt sidan vi har så mange brukargrupper under same tak.
- Utleige/lån av storsalen vår.
- Leiar av aktivitsgruppe, som består av ein tilsett eller fleire frå alle einingane som møtest ein gong i månaden.
- Er leiar i AMG, som er felles for alle einingane.
- Kontaktperson for ymse organisasjonar, videregåande skolar, NAV, prest, mm.
- Har ei rolle når det gjeld sertifiseringsarbeidet for å bli ein "livsgledesjukeheim".
- Har ansvar for brukarkontoen på sjukeheimen.
- Delt ansvar for innkjøp av utstyr og ymse til sjukeheimen
Kva må du ta omsyn til når du skal planlegge aktivitetar?
- Kva aktivitetar vi skal ha.
- Tidspunkt og økonomi, brukarane betaler eigendeler.
- Kor aktivitetane skal vere.
- Kven skal delta, årstid.
- Om det skal vere servering.
- Om vi treng frivillige.
Hva arbeider du med i «kontortida»?
- Skriv og svarer på e-post frå ulike kontaktpersonar.
- Møter med einingsleiear, fagleiarar, frivilligsentralen, kontaktpersonar for dei som er i praksis, aktivitetsgruppa, AMG og kulturvert.
- Betaler rekningar, fører rekneskap for bebuarane på sjukeheimen.
- Oppfølging av dei frivillige
- Heng opp ymse informasjon når det gjeld aktivitetane som skal vere på huset slik at alle får sjå kva som skjer.
- Deler ansvar når det gjeld den offisielle Facebooksida til eininga.
Kor mykje må du planlegge framover i tid?
- Lagar ein halvårsplan med dei aktivitetane som skal vere felles for alle på huset.
- Sender bestilling til frivilligsentralen.
Hva inneber det å jobbe med budsjett og rekneskap i jobb din?
- Å ha forståing for tal.
- Vere strukturert.
- Vere nøyaktig.